مونتاج على أدّي

انا النهارده هبعد عن الشر واغنيله ... هبعد عن وزارة -على قفاك - وهخليني في حالي ياعم . الطيب أحسن. انا هفرجكم اللنهارده على Movie بسيط كده عملته من يومين من بعض وصور وفيديوهات ليا من ايام الصبا والروقان وراحة البال. بالمناسبة أنا غاوي شغل مونتاج كده على أدّي وبادّعي ان ليا في شغل الفوتوشوب مع ان اعرف ناس وحوش فيه منهم اللي زمايلنا في الكلية وعلى رأسهم حبيب قلبي اللي دايما يعقدني بشغله محمد شرف وواحدة تانية زميلتنا مااعرفش اسمها الصراحة لكن شغلها شوفته على مدونتها وعجبني أوي .

اسيبكم دلوقت مع المونتاج اللي عكيته من يومين

عشان ماتنضربش على قفاك

بأسلوب بسيط وبطريقة السؤال والجواب، كتب ضابط الشرطة السابق عمر عفيفى "عشان ماتتضربش على قفاك"!، فى سبيل توعية المواطنين بحقوقهم. ومالبث ان طرح المكتاب، الا وصادرته وزارة الداخلية. وبعد مطارادت امنية لعفيفى، قرر مغادرة البلادالى الولايات المتحدة. و"عشان ما تتضربش على قفاك".. ننشر هذا الكتاب

رمضان كريم

كل سنة وانتوا طيبين ... رمضان كريم عليكوا وعلينا ..... ها ... ناوي تختم القرآن السنة دي ؟؟....طب مادام كده كده هتختمه ... طب ماتختمه صح....ايوه ... آن الأوان تتعلم احكام التلاوة .... احكام التجويد .... الموضوع سهل وبسيط خااااااااااالص ... مش زي ماانتا متخيل ...بس ابدأ انتا بس ....بس ماتنساش قبل ماتبدأ تتوكل على الله ... ياللا بينا نتعلم سوا ....جااااااااهز؟؟؟؟؟؟؟ ... ياللا بينا نتعلم .... هنتعلم من فضيلة الشيخ احمد عامر .... بس هنبدأ من الاول ... ماتتخضش ...الاول هنتعلم ازاي ننطق الحروف صح ... وبعدين ندخل على احكام الوقوف ...يعني نبدأ منين ونوقف امتى ونبدأ ازاي يعني هنتعلم نطق الحروف وأحكام الوقوف ... بعد كده هندخل على احكام التجويد اللي بتسمع عنها دي ... من احكام النون الساكنة وانواع المدود وحكم كل نوع وهكذا ... وان شاء الله هتلاقي الموضوع سهل وبسيط خالص ... ياللا توكل على الله وده لينك عليه جميع حلقات فضيلة الشيخ احمد عامر يتناول فيها احكام التجويد كاملة باسلوب ممتع وشيق للغاية ... وجرب بنفسك

http://www.al-eman.com/Taguid/3amer.asp